चर्च द्वारा सरसफाइ कार्यक्रम सम्पन्न

इश्वर प्रताप लामा ( आशिष ) मिलाप खबर सिमरा बाराको जितपुर सिमरा उपमहानगर पालिका वडा न ३ नरबस्तीमा अवस्थित नेपाल राष्ट्रिय आधारभुत बिद्यालयको करिब ४ कठा क्षेेेत्रफलमा फैलिएको प्राङ्गणमा भएको फोहोर तथा झाडी स्थानीय चर्चका अगुवा र सदस्यहरुको सक्रियतामा सरसफाइ गरिएको छ । गर्मी र बर्खायाममा प्रायजसो तराई क्षेत्रमा साप, खजुरा र बिच्छीको बिगबिगी हुने गर्दछ । स्कुल प्राङ्गणमा बाक्लो घाँस,खर र चारैतिर जताततै फोहर छरिएको अवस्थामा सरसफाइ गरिरहेका ब्यक्तिहरुले बिषालु साप गोमन पनि फेला पारेको थिए । उक्त स्कुलको ट्वाइलेट बाथरुम जाने ढोकासम्ममा पनि बाक्लो घासको झाडी देख्न सकिन्थ्यो । नेपामा रहेका नेपाली ईसाई चर्चहरुले समय समयमा यस्ता सामाजिक कार्यहरु गरिएको भएतापनि प्रचार प्रसारको कमी र राज्यको इसाई धर्मलम्बीहरुलाई हेर्ने दृष्टिकोण फरक भएकोले यस्ता कामहरु ओझेलमा परियको एक स्थानीय बासीले बताउनुभयो । पातलो बस्ती ,घाना जङ्गलको छेउ र स्थानीय बासीहरु आवत जावत गर्ने बाटो किनारामा अवस्थित यस बिद्यालय वरपरका फोहोर अवस्था देखेर मानिसहरु विभिन्न चर्चा परिचर्चा गर्नेगरथ्यो । कक्षा ८ सम्म संचालनमा रहेको यस स्कुलमा वरपरका गाउँ,दसबिगाहा,रामबन टाडी,कुनाटोला र नरबस्ती यरियाका करिब दुई अढाई सय विद्यार्थीहरु अध्यापन गर्नेगर्दछ । चर्चका सदस्यहरुले यस कुरालाई ध्यानमा राखी स्कुललाई सरसफाइ गर्ने क्रममा सहयोग गरेको र चर्चको यस कार्यले समाज र स्वयं स्कुललाई पनि सकारात्मक सन्देश जाने भन्दै स्कुल ब्यस्थापन समितिको अध्यक्ष बिनोद बस्नेत ज्युले चर्चका अगुवा तथा सदस्यहरुलाई स्कुलमानै उपस्थित भई मुरी मुरी धन्यवाद दिएको थियो ।