किरात देवास राई उत्थान समाजको पाचौ राष्ट्रिय अधिवेशन हेटौंडामा हुने

इश्वर प्रताप लामा ( आशिष ) मिलाप खबर ,बारा किरात देवास राई उत्थान समाजको पाचौं राष्ट्रिय अधिवेशन मकवानपुर हेटौंडाको रोयल प्यालेसमा यहि भाद्र २५ र २६ गते हुनेभएको छ ।संस्कृति र भाषाको संरक्षणको लागि जातिय पहिचानको पक्षमा काम गर्दै आएको समाजले आगामी कार्यकालको लागि यसै बिषयलाई छलफलमा ल्याउने अध्यक्ष आसमान राईले बताउनुभयो । राज्यको कुनैपनि तहमा किरात देवास राईहरुको प्रतिनिधित्व नरहेकोले उक्त अधिकार प्राप्तिको बिषयमा पनि अधिवेशनमा छलफल हुने उहाँले बताउनुभयो । करिब ६ लाख हाराहारीमा नेपालमा रहेको राईहरुमा किरात देवास राईहरुको संख्या एक लाख रहेको अनुमान छ ।मकवानपुर,चितवन,धादिङ,नुवाकोट,सिन्धुली,बारा र रौतहट जिल्लाहरुमा प्राय बसोबास रहेको यो जाती काठमाडौ,ललितपुर लगायतका जिल्लाहरुमा पनि बसोबास रहेको पाइन्छ । भाद्र २५ गतेहुने उद्घाटन कार्यक्रममा एक हजार किरात देवास राईहरुले सहभागिता जनाउने र २६ गतेको बन्दसत्रमा करिब दुई सय भन्दा बढी प्रतिनिधि र पर्यवेक्षणहरुको सहभागिता हुने र उक्त दिन आगामी कार्यकालको लागि नयाँ कार्य समिति समेत चयन गर्ने महासचिव राजमान राईले मिलाप खबरका सम्पादक किरण राईलाई बताउनुभयो ।