आजबाट मिलाप टिभी औपचारिक रुपमा प्रसारण हुने ।

इश्वर प्रताप लामा( आशिष ) भाद्र ५ सिमरा बारा, आवाज बिहिनको आवाज,सूचना र खबरदारी हाम्रो पहिचान भन्ने लक्ष्य र दर्शन बोकी समाज र जनताको सेवामा अविरल लागिरहने अठोटका साथ जितपुर सिमरा उपमहानगर पालिका २ सिमरामा स्टुडियो र रामबन टाडीमा मुख्य कार्यालय रहनेगरी नेपाल सरकार सञ्चार तथा सूचना प्रविधि मन्त्रालय सूचना तथा प्रसारण बिभागबाट अधिकार प्राप्त मिलाप अन्लाईन टिभीको आज एक समारोहका बीच धर्म गुरुहरुको उपस्थितिमा प्रार्थना र धार्मिक प्रवचनका साथ समर्पण र उदघाटन कार्यक्रम सम्पन्न भएको छ । उक्त उदघाटन समारोहका प्रमुख अतिथि एन सि एफ अन प्रदेश २ का अध्यक्ष नेमा लामाले कम्पनीको ब्यानर सार्बजनिक गर्दै मिलाप टिभीको अन्लाईन खबर बाचन गरेर सुनाउनु भएको थियो ।उपस्थित सभालाई सम्बोधन गर्दै यस्ता प्रकारको अन्लाईन खबर टिभीहरु अझेल धेरै मात्रामा भएतापनी प्रदेश न २ को लागि आजको आवस्यकता भएको कुरा प्रमुख अतिथि लामाले बताउनुभयो । कम्पनीमा रहेर सत्य तथ्य सूचना र खोजमुलक कार्यहरु प्रसारण र प्रचार प्रसार गर्नको निम्ति सहकर्मीको रूपमा सिराहा बाट रिपोटर असोज कुमार राम,महोत्तरी बाट अजय कुमार शाह,पर्सा बाट टीका बहादुर श्रेष्ठ बारा बाट स्टुडियो अपरेटर सुनिल तामाङ स-स्टुडियो अपरेटर सुरज मोक्तान रिपोटर बालकृष्ण बिक मकवानपुर बाट रामहरि कार्की र सम्पादकमा रौतहट बाट किरण राई कार्यकारिणी सम्पादकमा इश्वरी लामा रहेकोछ । उक्त सभामा कम्पनीको तर्फबाट कम्पनीको संचालक इश्वर प्रताप लामाले कम्पनीको लक्ष्य र उद्देश्य प्राप्तीको लागि सबैले निस्वार्थ भावनाका साथ सेवामा लाग्नुपर्ने र आवस्यकता हेरि सञ्चार क्षेत्रमा कामगर्ने योग्यता र इच्छुकहरुलाई मौका प्रदान गरिने कुरा जानकारी दिनुभयो ।