इश्वर प्रताप लामा(आशिष )सिमरा
बारा:नेपाल राष्ट्रिय मण्डली संगती(Ncfn)नेपालको मधेस प्रदेशका महिला तथा युवा बिभागको सातौ प्रदेशस्तरीय अभिवेशन बाराको सिमरा स्थित अनुग्रह चर्चमा आज एक भब्य कार्यक्रम बिच सम्पन्न भएको छ । आज भन्दा करिब 66 बर्ष अगाडि नेपालमा रहेका स सना मण्डलीहरु बिच सङती,सम्बन्ध र सहकार्य गर्ने उद्देश्यका साथ नेपाल राष्ट्रिय मण्डली संगत (Ncfn) को स्थापन भएको थियो ।
हाल यसको आफ्नो संगठन नेपालको सातै प्रदेशमा रहेको छ । गत महिना माघमा भएको केन्द्रिय कार्य समितिको बैंठकले गरेको निर्णय अनुसार चैत्र मसान्त भित्रमा सातै प्रदेशमा रहेको महिला तथा युवा बिभागको अभिवेसन गरि आगामी चैत्र २७ र २८ गते केन्द्रिय युवा बिभागको अभिवेशन धरानमा सम्पन्न गर्ने तयारी रहेको स सचीव मुक्ति ढकालले हामी सङ्गको कुराकानीमा बताउनु भयो ।
आज भएको मधेस प्रदेशको महिला तथा युवा अधिवेशनले महिला तर्फ क्रमशः अध्यक्षमा लिला पहरी,सर्लाही उपाध्यक्षमा जेबिका महर्जन ,पर्सा, सचीवमा अर्चना थापा मगर, बारा, कोषाध्यक्षमा मेरी लामा र आठै वटा जिल्लाका सद्स्यहरु चयन गरेका थिए भने युवा बिभाग तर्फ अध्यक्षमा रबिन श्रेष्ठ,बारा,उपाध्यक्ष कुमारी सिन्तान बारा,सचीवमा सन्दीप तामाङ,बारा,कोषाध्यक्षमा अमृत तिमलसिना बारा र आठैवटा जिल्लाबाट सदस्यहरु चयन भएका थिए।
अधिवेशनमा दुबै बिभागका अध्यक्षदोय कमला घिमिरे र बिकाश थापा मगरले बार्षिक प्रतिवेदन प्रस्तुत गरेका थिए । कार्यक्रमको प्रमुख अथितिका रुपमा रहेका नेपाल राष्ट्रिय मण्डली संगतीका केन्द्रिय उपाध्यक्ष रेभ.बि बि कार्की,बिशिस्ट अतिथि स सचीव मुक्ति ढकाल र मधेस प्रदेश समितिका अध्यक्ष पा.आशिष लामाले नयाँ कार्य समितिलाई सफल कर्यकालको शुभकामना दिएका थिए भने केन्द्रिय उपाध्यक्ष रेभ.हिमाल राईले पबित्र धर्मशास्त्रबाट असल नेतृत्वको बिषयमा उपस्तिथि सबैलाई प्रस्टयाउनु भएको थियो ।
आठैवटा जिल्लाका करिब एकसय पचास हाराहारीको उपस्थित रहेको उक्त अधिवेशनको सभापति युवा बिभागको अध्यक्ष बिकाश थापाले गर्नुभएको थियो । साथै उक्त औसरमा नै केन्द्रिय महिला तथा युवा बिभागको लागि बिकाश थापा र माया गिरीलाई प्रतिनिधिको रुपमा चयन समेत गरिएको थियो । कार्यक्रमको संचालन भने रबिन श्रेष्ठले गरेका थिए ।