इश्वर प्रताप लामा( आशिष) सिमरा, बारा
सिमरा:- जनहित मध्यवर्ती उपभोक्ता समिति द्वारा स्वागत, परिचयात्मक तथा शुभकामना आदान प्रदान कार्यक्रम सम्पन्न गरेको छ । पर्सा राष्टिय निकुञ्ज कार्यालय आधाभारमा कार्यभार समहाल्न नियुक्त भई आउनु भएको वरिष्ट संरक्षण अधिकृत रामचन्द्र खतिवडा लाई यस क्षेत्रमा स्वागत गर्न तथा आउँदै गरेको दिपावली छठ पर्वको शुभकामना आदानप्रदान दिन उपभोक्ता समितिले उक्त कार्यक्रम आयोजना गरिएको हो।
कार्यक्रमको अध्यक्षता गर्नुभएका समितिका अध्यक्ष अमृतलाल श्रेषठले यस क्षेत्रका उपभोक्ताहरुले लामो समयदेखि वन्यजन्तु र बालुवा ढुङ्गाको समस्या झेल्न परिरहेको र बर्षेनी बाढिले वन कटान गरी वनक्षेत्रमा क्षति पुर्याई उपभोक्ता बस्तीमा नै बाढि पस्ने अवस्था रहेको जानकारी प्रमुख संरक्षण अधिकृत सामु राख्नु भएको थियो ।
प्रमुख अतिथी रहनुभएका वरिष्ठ संरक्षण अधिकृत रामचन्द्र खतिवडाले आफु लामो समयदेखि यस क्षेत्रमा आवद्ध भई कार्य गरिरहेकाले समितिले उठाएको विषयमा सकभर छिटोभन्दा छिटो समस्याहरुको समाधान गर्न कोसिस गर्ने आश्वासन दिनुभयो ।
कार्यक्रमको अतिथीहरू मा संरक्षण अधिकृत संतोष भगत जनकल्याण बचत तथा ऋण सहकारी संस्थाको वरिष्ठ उपाध्यक्ष कृष्ण रिमाल, स्थापक अध्यक्ष मधुशुधन सिटौला, मध्यवर्ती सा.वन का अध्यक्षहरु सत्ये वहादुर श्रेष्ठ, कुबेर न्यौपाने इश्वरी लामा सचिव, कोषाध्यक्ष हरु लगायत विद्यालय क्षेत्रका तर्फबाट मदन तिमलसिना लगायतका आयोजक समितिका पदाधिकारी हरुको सहभागी रहेका थिए । कार्यक्रममा अतिथीहरुले नव नियुक्त प्रमुख संरक्षण अधिकृत लाई स्वागत गर्दै दिपावली तथा छठ पर्वको सम्पूर्णमा शुभकामना व्यक्त गर्नु भएको थियो ।