इश्वर प्रताप लामा ( आशिष) सिमरा बारा
जीतपुरसीमरा उपमहानगर पालिका वडा नं ३ मा अवस्थित शुभ प्रभात युवा क्लबको प्रथम अधिवेशन तथा साधारण सभा एक कार्यक्रमको बिच हिजो सम्पन्न भएको छ ।
मदेस प्रदेश सभाका सदस्य मान्य देवनारायण चौधरी प्रमुख अतिथी रहेको उक्त सभामा नगर प्रमुख राजन पौडेल, उपप्रमुख भोला प्रसाद अधिकारी, जनहित उपभोक्ता समितिका अध्यक्ष अमृतलात श्रेष्ठ विशिष्ट अतिथीका रूपमा रहनु भएको थियो भने यस क्षेत्रमा रहेको सरकारी विध्यालय व्यवस्थापन समिति र सामुदायिक वन समितिका अध्यक्षहरु अतिथीको लागि निमन्त्रणा गरिएको थियो ।
उक्त सभामा आफ्नो भनाई राख्दै,उपस्थित क्लबका सदस्य तथा ब्यक्तिहरूलाई प्रमुख अतिथि तथा विशिष्ट अतिथिहरुले क्लबका आगामी दिनहरु को लागि शुभ कामना व्यक्त गर्दै क्लवलाई भौतिक तथा आर्थिक रुपमा सहायता गर्ने प्रतिवद्धता व्यक्त गरेका थिए ।
सभा लाई सम्बोधन गर्दै कोषाध्यक्षले स्वागत मन्तब्य राखेका थिए भने कार्यक्रम सञ्चालकमा निकै कमजोरीहरु देख्न सकिन्थ्यो । अन्त्यमा सभालाई विर्सजन गर्दै सभा तथा क्लबका अध्यक्ष गणेश थपलियाले क्लबका विगतका इतिहास र वर्तमान समयको अवस्था तथा भावी योजना वारे उल्लेख गर्नुभएको थियो ।